تفحص مباحث الإنترنت بمديرية أمن الجيزة البلاغ المقدم من دليفري يتهم الدكتورة هبة قطب بالسب والقذف والتشهير به على الإنترنت ونشر صوره بعدما أتلف أوردر خاصا بها.
وقالت هبة قطب عبر الفيس بوك : “النهارده حصل الآتي طلبت أوبر سكوتر عشان يوصل الـ package اللي باين في الصورة ده استلمه مني وربطه وكله تمام عشان يوصله التجمع لأني لازم الحق حد مسافر النهارده ضروري كلمني وهو في نص السكة وقال لي إنه وقع منه ع الدائري وباظ والعربيات داست عليه قلت له مفيش مشكلة، برضو وصله قعد يقاوح شوية وبعدين قال لي تمام، وبعدها مباشرة أنهى الرحلة وطبعا الفلوس اتخصمت وعمل لي بلوك”.
وأضافت “قطب”: “على فكرة العلبة ماكانش فيها حلويات زي ما الناس كاتبة، بصرف النظر كان فيها إيه عشان ده ما يخصش حد، لكن هي كانت في أمانة السائق وهو خان الأمانة وريح دماغه وأنهى الرحلة وخد فلوسها وعمل بلوك بغض النظر عن ضرورة توصيل الطرد لأنه كان لازم يسافر النهارده مع حد وبصرف النظر عن قيمته وثمنه وموضوع الواتساب هو كان يتصل من رقم أوبر مفيش عليه واتساب، وأنا شاكة أصلا أن الصورة هي صورة الطرد بتاعي لأنها مش باين لها أي ملامح”.
